Çinin Sindao şəhərindən Azərbaycana yola salınan ikinci konteyner blok qatarı Bakı limanına çatıb. Qatar hər biri 40 futluq olmaqla 51 konteynerdən ibarətdir.
“ADY Konteyner” MMC-dən “APA-Economics”ə verilən məlumata görə, daşıma Çin Dəmir Yolları (CRCT) və Transxəzər Beynəlxalq Nəqliyyat Konsorsiumunun üzvləri olan “KTZ Express”, “ADY Konteyner” və “GR Logistics and Terminals”ın əməkdaşlığı çərçivəsində həyata keçirilib.
Konteynerlər Aktau limanına çatdıqdan sonra operatoru “ADY Konteyner” MMC olan “Baris” fider gəmisi vasitəsilə Bakı limanına çatdırılıb.
Blok qatara daxil olan 10 konteyner Bakıdan Gürcüstana, 3-ü isə Türkiyəyə yola salınacaq.
Qeyd edək ki, Sindao-Bakı marşrutu ilə ilk konteyner blok qatarı bu ilin fevralında Bakıya çatıb.
2021-ci ilin sonunadək “ADY Konteyner” tərəfindən Çin-Azərbaycan istiqamətində 50-dək konteyner blok qatarının nəql olunması planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
