Bu ilin yanvar-sentyabr aylarında qlobal internet şəbəkəsində aşkarlanan və bloklanan fişinq saytlarının sayı keçənilki rəqəmi üstələyib.
"APA-Economics" xəbər verir ki, bunu RİA "Novosti"yə "Group-IB" (CERT-GIB) beynəlxalq şirkətin Kompüter İnsidentləri ilə Mübarizə Mərkəzinin rəhbəri Yaroslav Karqalev deyib.
Onun sözlərinə görə, yanvar-sentyabr aylarında CERT-GIB tərəfindən 14 802 fişinq mənbələri bloklanıb: "Qeyd edim ki, təkcə ötən il ərzində 14 093 veb-mənbənin fəaliyyəti dayandırılıb. Kibercinayətkarlar fişinq vasitəsilə sayt ziyarətçilərinin vəsaitlərini və şəxsi məlumatlarını (login, hesab və onlayn bank şifrələrini, bank kartı məlumatlarını) ələ keçirir".
Ekspertin sözlərinə görə, 2020-ci ilin I rübündə fişinq mənbələrinin sayı əvvəlki ilə nisbətən 25%, II rübündə isə bloklanan fişinq saytlarının sayı 71% artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
