Rusiyanın daha iki telekanalı Azərbaycan peyki ilə yayımlanacaq

#
# 12:09
30 yanvar 2020

“Azərkosmos” ASC Rusiyanın “VES-Media” şirkətinin “Yuveliroçka” kanalı və Tatarıstanın “Novıy Vek” teleradio şirkətinin “TNV Planet” kanalları arasında əməkdaşlıq müqaviləsi imzalayıb.

ASC-dən “APA-Economics”ə verilən məlumata görə müqaviləyə əsasən, fevral ayından etibarən “Yuveliroçka” və “TNV Planet” kanalları “Azerspace-1” peyki vasitəsilə yayımlanacaq. Bu kanallar vasitəsilə rus və tatar dillərində ictimai, siyasi, iqtisadi, analitik, idman, musiqi, əyləncə, moda, tərz və mədəniyyət proqramları nümayiş edilir. Yeni kanallar sayəsində hazırda “Azerspace-1” peykində nümayiş olunan rusdilli kanalların sayı artacaq və bu da  regionda rusdilli kanallara olan tələbatı qarşılamaqla “Azerspace-1” peykinin orbital mövqeyinin daha da populyarlaşması üçün əlavə imkanlar yaradacaq.

Sözügedən kanalların yayım tezlikləri aşağıdakı kimidir:

“Yuveliroçka” kanalının tezliyi: 11095/H/3000,

“TNV Planet” kanalının tezliyi: 11015/H/13000.

#
#

ƏMƏLİYYAT İCRA OLUNUR