Azərbaycan və İran gömrük qurumları sərhədkeçmə proseslərinin sürətləndirilməsi, tranzit imkanlarının genişləndirilməsi istiqamətində mövcud əməkdaşlığın inkişaf etdirilməsini müzakirə ediblər.
Dövlət Gömrük Komitəsindən “APA-Economics”ə verilən məlumata görə, qarşılıqlı əlaqələrin inkişafında dair müzakirələr onlayn formatda Komitəsinin sədri Səfər Mehdiyevlə İranın Gömrük Administrasiyasının prezidenti Mehdi Mirəşrəfi aparılıb.
Görüşdə sərhəd-gömrük buraxılış məntəqələrində mütəmadi xarakter alan ikitərəfli görüşlərin iki ölkənin gömrük sahəsi üzrə mövcud əməkdaşlığının davamlı inkişafına müsbət təsirindən danışılıb.
İran tərəfi tranzit yüklərin daşınması istiqamətində əməkdaşlığın daha da gücləndirilməsi iki ölkə ərazisindən keçən nəqliyyat dəhlizlərinin cəlbediciliyinin artmasına, regional inkişafa mühüm töhfə verə biləcəyini bildirib.
Tərəflər həmçinin qarşılıqlı maraq doğuran məsələlərlə bağlı müzakirələr aparıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
