Azərbaycan Qida Təhlükəsizliyi Agentliyi (AQTA) tərəfindən sərhəd zonalarda qida təhlükəsizliyinə nəzarət məntəqələrinin yaradılması istiqamətində işlər aparılır.
"APA-Economics" xəbər verir ki, bunu "Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı"nın 2020-ci il üzrə nəticələri ilə bağlı monitorinq və qiymətləndirmə hesabatına dair keçirilən mətbuat konfransında çıxış edərkən AQTA-nın aparat rəhbəri Elxan Mikayılov deyib.
Onun sözlərinə görə, ilk belə bir məntəqə Qazax rayonunun Gürcüstanla olan sərhədində yaradılması üzrə işlərə başlanılıb.
O həmçinin bildirib ki, oxşar işlər digər sərhəd-keçid məntəqələrinə yaxın ərazilərdə görüləcək.