Azərbaycanın iqtisadiyyat naziri Mikayıl Cabbarov TRACECA Hökumətlərarası Komissiyasının Daimi Katibliyinin Baş katibi Aset Asavbayevlə görüşüb.
"APA-Economics" xəbər verir ki, bu barədə nazir "Twitter" hesabında yazıb.
O qeyd edib ki, görüşdə beynəlxalq nəqliyyat dəhlizinin rəqabət qabiliyyətinin və səmərəliliyinin artırılması, rəqəmsallaşmanın tətbiqi ilə daşımaların effektivliyinin yüksəldilməsi müzakirə olunub.
Tərəflər həmçinin əməkdaşlığın genişləndirilməsi məsələlərini də nəzərdən keçiriblər.