Azərbaycanda bu il istifadəyə verilmiş yaşayış evlərinin ümumi sahəsində kəskin azalma qeydə alınıb.
Dövlət Statistika Komitəsindən "APA-Economics"ə verilən məlumata görə, cari ilin yanvar-aprel aylarında ölkədə ümumi sahəsi 620,1 min kvadrat metr təşkil edən yaşayış evləri istifadəyə verilib. Bu, illik ifadədə 73,1% azdır.
Təkcə aprel ayında ölkədə istifadəyə verilmiş yaşayış evlərinin ümumi sahəsi aylıq ifadədə 33,4% azalaraq 138,3 min kvadrat metr təşkil edib.
Xatırladaq ki, cari ilin yanvar-aprel aylarında yaşayış evlərinin tikintisinə 304 mln. manat vəsait yönəldilib, bu da illik ifadədə 26,3% azdır.
Qeyd edək ki, 2020-ci ildə ölkədə ümumi sahəsi 4 957,2 min kvadrat metr təşkil edən yaşayış evləri istifadəyə verilib. Bu da, əvvəlki illə müqayisədə 47,6% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
