Azərbaycanın domen zonasında qeydiyyatdan keçən saytların sayı 6% artıb - CƏDVƏL

Azərbaycanın domen zonasında qeydiyyatdan keçən saytların sayı 6% artıb - CƏDVƏL
# 02 iyul 2021 12:36 (UTC +04:00)

Azərbaycanın milli domen zonasında (".az") indiyədək 37 586 internet resursu qeydə alınıb.

"APA-Economics"in "WHOIS" portalının hesabatı əsasında apardığı hesablamalarına görə, bu göstərici illik ifadədə 6% artıb. Son bir ildə Azərbaycanın milli domen zonasında 2 114 sayt qeydiyyatdan keçib.

Qeydə alınan saytların ümumi sayının 35 168-i birinci səviyyəli domen zonasına aiddir ki, bu da 2020-ci ilin müvafiq göstəricini 6,2% üstələyir.

Ən məşhur ikinci səviyyəli domen ".com.az"dır. Bu domendə 1 359 sayt qeydiyyatdan keçib. Bu göstərici 2020-ci ilin eyni göstəricisindən 1,5% çoxdur.

Populyarlığına görə üçüncü yerdə ".edu.az" domeni qərarlaşıb. Bu domendə aprelin 1-nə olan məlumata görə 511 sayt qeydiyyatdan keçib ki, bu da ötən ilin göstəricidən 9,6% çoxdur.

Qeyd edək ki, ".az" milli domen zonası rəsmi olaraq 25 avqust 1993-cü ildə fəaliyyətə başlayıb. Bu domenin qeydiyyat haqqı və illik texniki dəstək xərci 20 manat təşkil edir.

Digər domen zonalarında qeydiyyatdan keçən saytların pay bölgüsü:

Domen

Qeydiyyatdan keçən saytlar

pro.az

1

name.az

8

biz.az

20

pp.az

23

int.az

27

net.az

67

info.az

100

co.az

139

org.az

163

#
#

ƏMƏLİYYAT İCRA OLUNUR