"Bakcell" "Pulsuz zəng" adlı yeni məhsulunu təqdim edib

"Bakcell" "Pulsuz zəng" adlı yeni məhsulunu təqdim edib
# 16 sentyabr 2021 15:04 (UTC +04:00)

Azərbaycanın ilk mobil rabitə operatoru olan “Bakcell” şirkəti korporativ abunəçilər üçün tam yeni məhsul istifadəyə verib.

Şirkətdən “APA-Economics”ə verilən məlumata görə, “Pulsuz zəng” adlanan bu xidmətdən “Bakcell”in həm mövcud, həm də potensial korporativ abunəçiləri yararlana bilər.

Yeni təqdim olunan bu təklifdən istifadə edən korporativ abunəçinin müştəriləri onlara pulsuz zəng edə biləcək, çünki həmin zəngin dəyəri təşkilatın özü tərəfindən ödəniləcək. Bu xidmət Azərbaycanda fəaliyyət göstərən və istehlakçılarla birbaşa işləyən bütün bank, taksi və digər sahələrdə fəaliyyət göstərən şirkətlər üçün nəzərdə tutulub.

Qeyd edək ki, “Bakcell”in sözügedən məhsulundan Azərbaycanda ilk dəfə ölkənin birinci rəqəmsal bankı olan “Leobank” istifadə edəcək. Beləliklə, “Leobank” istifadəçiləri banka zəng edərkən heç bir vəsait ödəməyəcək. Yeni xidmət barədə daha ətraflı məlumat https://business.bakcell.com/az/special-offers-mobile internet səhifəsində yerləşdirilib.

Korporativ və fərdi abunəçiləri bazarda ən üstün müştəri təcrübəsi ilə təmin etmək üçün “Bakcell” öz şəbəkəsini, xidmət keyfiyyətini və məhsullarını təkmilləşdirməyə davam edəcək.

#
#

ƏMƏLİYYAT İCRA OLUNUR