Bakıda Biznes mühiti və beynəlxalq reytinqlər üzrə Komissiyanın növbəti il üçün Fəaliyyət Planı layihəsi müzakirə olunacaq.
Rəqəmsal İnkişaf və Nəqliyyat Nazirliyindən “APA-Economics”ə verilən məlumata görə, qeyd olunan məsələnin müzakirəsi Komissiyanın “Fiziki infrastruktur” işçi qrupunun 25 noyabr tarixində keçiriləcək növbəti iclasında planlaşdırılıb.
İclasda həmçinin 2021-ci il üçün Fəaliyyət Planının cari ilin 9 ayı ərzində icra vəziyyətinin monitorinqi və qiymətləndirilməsinin nəticələri də müzakirə olunacaq.
Fəaliyyət sahəsi üzrə təkliflər azranking.az saytında “Onlayn müraciət” bölməsində qəbul olunur.