Azərbaycanın işğaldan azad edilmiş ərazilərində poçt şəbəkəsinin yaradılması nəzərdə tutulur. Hazırda onların yerləşəcəyi məkanlar təyin olunur.
Bunu "APA-Economics"ə "Azərpoçt" MMC-nin baş direktorunun müavini Xəyyam Əlizadə deyib.
Onun sözlərinə görə, ərazilərin bərpası "Ağıllı şəhər" konsepsiyası üzərində aparılacaq ki, bu da özündə fərqli poçt xidmətlərinin göstərilməsini ehtiva edir.
"Orada poçt məntəqələri olacaq, onların qurulması nəzərdə tutulur və yerləri artıq demək olar ki, təyin edilməkdədir. İmkan yaradılan kimi, dərhal orada poçt şöbələri fəaliyyətə başlayacaq", - deyə X. Əlizadə qeyd edib.