Jurnalistlərin Şuşanın düşməndən azad edilməsinin mənəvi rəmzi olan "Zəfər yoluna" səfəri başlayıb.
APA-nın xəbərinə görə, jurnalistlər Füzuli rayonunda görülən işlərlə tanış olurlar.
Məlum olub ki, artıq yolboyu tikinti işləri həyata keçirilir, yolda gediş-gəliş təmin edilir.
Qeyd edək ki, layihələndirilən yolun uzunluğu 101 kilometrdir. "Zəfər yolu" Qarabağın inkişaf planı nəzərə alınmaqla 2 hərəkət zolaqlı olmaqla ikinci texniki dərəcəyə uyğun inşa olunur.
***
10:00
Mayın 6-da Azərbaycan Avtomobil Yolları Dövlət Agentliyinin təşkilatçılığı ilə Şuşaya çəkilən "Zəfər yolu"nun tikintisi ilə tanış olmaq məqsədilə media nümayəndələri Füzuli rayonuna yola düşüblər.
APA-nın məlumatına görə, jurnalistlərə indiyədək görülmüş və qarşıda duran işlər barədə ətraflı məlumat veriləcək.