Rəqəmsal inkişaf və nəqliyyat naziri Rəşad Nəbiyevlə ölkəmizdə səfərdə olan Estoniya-Azərbaycan parlament qrupunun rəhbəri Sven Sester arasında görüş keçirilib.
Nazirlikdən “APA-Economics”ə verilən məlumata görə, görüş zamanı bildirilib ki, Azərbaycanla Estoniya arasında əlaqələr yüksələn xətlə inkişaf edir və iki ölkə arasında bütün sahələrdə, o cümlədən rəqəmsal inkişaf və nəqliyyat sahəsində əməkdaşlığın genişləndirilməsi üçün güclü potensial mövcuddur.
Estoniyanın rəqəmsal dövlət xidmətləri, innovasiya və startap ekosistemi, eləcə də digər texnoloji indikatorlar üzrə Avropa ölkələri arasında ilk sıralarda yer aldığı vurğulanaraq rəqəmsal transformasiyanın Azərbaycan Hökumətinin gündəliyində əsas yerlərdən birini tutduğu diqqətə çatdırılıb.
Sonra iki ölkə arasında innovasiya, rəqəmsallaşma və “ağıllı” şəhər həlləri sahələrində əməkdaşlıq imkanlarına dair fikir mübadiləsi aparılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
