Bakı. Musa Əhmədov - APA-Economics. Azərbaycanda fəaliyyət göstərən kredit təşkilatlarının kredit qoyuluşların həcmi 2015-ci ilin sentyabrın 1-ə 20 mlrd. 95 mln. 838,2 min manat təşkil edib ki, bunun da 83,52%-i və ya 16 mlrd. 783 mln. 603,6 min manatı Bakı şəhərinin payına düşüb.
"APA-Economics"in Azərbaycan Mərkəzi Bankının statistik bülleteninə əsaslanan təhlili göstərir ki, bu göstərici üzrə ikinci yerdə Aran iqtisadi rayonu qərarlaşıb. Belə ki, bu ilin 8 ayında Aran iqtisadi rayonuna kredit qoyuluşu 841 mln. 875,2 min manat təşkil edib ki, bu da ümumi kredit qoyuluşunun 4,19%-ni təşkil edir.
Kredit qoyuluşunun 3,66%-i Gəncə-Qazax iqtisadi rayonunun payına düşüb. Başqa sözlə, bu ilin yanvar-avqust aylarında Gəncə-Qazax iqtisadi rayonuna 735 mln. 995,8 min manatlıq kredit qoyulub.
Kredit qoyuluşunun həcminə görə, sonrakı yerdə 3,21%-lik payla Abşeron iqtisadi rayonu qərarlaşıb. Bu ilin sentyabrın 1-ə bu iqtisadi rayona 645 mln. 52,6 min manat həcmində kredit qoyulub.
Yuxarı Qarabağ və Kəlbəcər-Laçın iqtisadi rayonu ən az kredit qoyuluşu olan rayonlardandır. Belə ki, hesabat dövründə Yuxarı Qarabağ iqtisadi rayonuna kredit qoyuluşu 65 mln. 559,8 min manat, Kəlbəcər-Laçın iqtisadi rayonuna isə bundan 10,5 dəfə az - 6 mln. 248,8 min manat olub.
Regionlar üzrə verilən kreditlərin orta faiz dərəcəsinə gəlincə, ən bahalı kreditlər Lənkəran iqtisadi rayonunun payına düşüb. Bu iqtisadi rayon üzrə verilən kreditlərin orta faiz dərəcəsi 24% təşkil edib. Hesabat dövründə ölkədə ən aşağı faizlə kreditlər Bakı şəhərində verilib. Paytaxtda orta kredit faizi 12,2% olub. İqtisadi rayonlar arasında orta faiz dərəcəsinə görə ən aşağı göstərici Naxçıvanda qeydə alınıb. Burada verilən kreditlərin orta faiz dərəcəsi 13,8%-ə bərabər olub.
Regionlarda kreditlərin orta faiz dərəcəsi
Regionların adı |
Cəmi (min manatla) |
Orta faiz dərəcəsi |
Azərbaycan: |
20 095838,2 |
13,6% |
o cümlədən, Bakı |
16 783603,6 |
12,2% |
Lənkəran iqtisadi rayonu |
285779,9 |
24,0% |
Aran iqtisadi rayonu |
841875,2 |
22,8% |
Dağlıq Şirvan iqtisadi rayonu |
115276,9 |
22,8% |
Şəki-Zaqatala iqtisadi rayonu |
216604,5 |
21,8% |
Quba-Xaçmaz iqtisadi rayonu |
260075,7 |
20,5% |
Yuxarı Qarabağ iqtisadi rayonu |
65559,8 |
19,6% |
Gəncə-Qazax iqtisadi rayonu |
735995,8 |
19,3% |
Abşeron iqtisadi rayonu |
645052,6 |
19,0% |
Kəlbəcər-Laçın iqtisadi rayonu |
6248,8 |
17,1% |
Naxçıvan iqtisadi rayonu |
139765,4 |
13,8% |