Maliyyə

Ana səhifə

Maliyyə

Azərbaycan Lizinq Şirkətləri Assosiasiyasının üzvlərinin sayı tezliklə 13-ə çatacaq

15 avqust 2008 10:47 (UTC +04:00)

Bakı. Elnur Hüseynquluyev – APA-Economics. Yaxın vaxtlarda Azərbaycan Lizinq Şirkətləri Assosiasiyasına (ALŞA) daha 4 maliyyə təşkilatı üzv olmaq niyyətindədir.
ALŞA-nın icraçı direktoru Ülviyyə Hüseynovanın «APA-Economics»ə verdiyi məlumata görə, potensial üzvlər sırasında «Nikoil Leasing», «Azərbaycan Sənaye Lizinq», «Parex Leasing» və «Azərdəmiryolbank» var. Yeni üzvlərin Assosiasiyaya qəbul edilməsi məsələsi ALŞA-nın iyun ayında keçirilən iclasında müzakirə edilib. Bununla da ALŞA-ya üzv olan təşkilatların sayı 13-ə çatacaq.
Xatırladaq ki, ALŞA 2004-cü ildən fəaliyyət göstərir. İndiyədək Assosiasiyaya 9 lizinq şirkəti üzv olub.