Almaniyada topdansatış qiymətlərinin artım tempi iyunda 40 illik maksimuma çatıb

Almaniyada topdansatış qiymətlərinin artım tempi iyunda 40 illik maksimuma çatıb
# 12 iyul 2021 17:01 (UTC +04:00)

Almaniyada topdansatış qiymətləri iyun ayında keçən ilin eyni ayına nisbətən 10,7% artıb.

"APA-Economics"in məlumatına görə, bu barədə Almaniyanın Federal Statistika İdarəsinin açıqlamasında deyilir.

Qeyd olunur ki, bu, təxminən 40 ildə (1981-ci ilin oktyabrından bəri) qeydə alınan ən yüksək artım tempidir. Bahalaşma həmçinin aşağı müqayisə bazası ilə əlaqədardır. May ayında artım tempi 9,7%-ə bərabər olub.

Cari ilin iyununda neft məhsullarının (+45,8%), həmçinin filiz və metalların (+ 54.2%) maya dəyəri xeyli artıb. Bundan əlavə taxta və taxtadan hazırlanmış məhsullar (+48,4%), taxıl, toxum və heyvan yeminin (+26,9%) qiymətləri də artıb.

İyun ayında Almaniyada topdansatış qiymətləri əvvəlki aya nisbətən 1,5% artıb. Artım tempi ötən il may ayına nisbətən 1,7% yavaşlayıb.

#
#

ƏMƏLİYYAT İCRA OLUNUR