Bu ilin doqquz ayının sonuna Azərbaycanın strateji valyuta ehtiyatları 41 aylıq mal və xidmət idxalına kifayət edəcək səviyyədə olub (2021-ci ilin 6 ayı üzrə mal və xidmət idxalı götürülməklə).
"APA-Economics"in məlumatına görə, bu barədə Azərbaycan Mərkəzi Bankının (AMB) pul siyasətinə dair yanvar-sentyabr hesabatında bildirilir. AMB-yə görə, ölkənin strateji valyuta ehtiyatları illik ÜDM-in 100%-ni üstələyir.
Qeyd edək ki, faiz dəhlizinin parametrlərinə dair son onlayn mətbuat konfransında çıxış edən bankın sədri Elman Rüstəmov bildirmişdi ki, Azərbaycanını strateji valyuta ehtiyatları cari ilin yanvar-sentyabr aylarında 3,4% və ya 1,7 mlrd. ABŞ dolları artaraq 52,5 mlrd. dollara çatıb.
Xatırladaq ki, ölkənin strateji valyuta ehtiyatları AMB-nin rəsmi valyuta ehtiyatları və Azərbaycan Dövlət Neft Fondunun məcmusudur.