Maliyyə

Ana səhifə

Maliyyə

Azərbaycan AİB-Asiya Beyin Mərkəzlərinin İnkişaf Forumuna qatılacaq

14 sentyabr 2021 14:54 (UTC +04:00)

İqtisadi İslahatların Təhlili və Kommunikasiya Mərkəzinin (İİTKM) əməkdaşları Asiya İnkişaf Bankının (AİB) dəstəyi ilə təşkil olunacaq AİB-Asiya Beyin

Mərkəzlərinin İnkişaf Forumunda təqdimatla çıxış etməklə bağlı dəvət alıblar.

İİTKM-dən “APA-Economics”ə verilən məlumata görə, bu ilin noyabr ayında keçirilməsi planlaşdırılan forum post COVID-19 dövründə turizm sənayesinin iqtisadi potensialının açılması (Unlocking the Economic Potential of Tourism Industry post COVID-19) mövzusuna həsr edilib.

Qeyd edək ki, bu forum Asiya regionunda beyin mərkəzləri arasında keçirilən ən nüfuzlu tədbirlərdən biridir və beynəlxalq auditoriyaya malikdir. İqtisadi İslahatların Təhlili və Kommunikasiya Mərkəzinin əməkdaşları Ramil Hüseyn, Rəşad Hüseynov və Ayaz Müseyibov koronavirus (COVID-19) pandemiyasının Azərbaycanın turizm sektoruna vurduğu zərər və postpandemiya dövründə turizmin inkişaf imkanları ilə bağlı apardığı tədqiqatın nəticələrini təqdim edəcəklər. Həmçinin təqdimatda turizm sektorunun inkişaf perspektivləri iqtisadi multiplikatorlar vasitəsi ilə müəyyən edilən nəticələr açıqlanacaq və müvafiq olaraq bu istiqamətdə görüləcək tədbirlərlə bağlı təkliflər irəli sürüləcəkdir.