Bu ilin yanvar-avqust aylarında Azərbaycanın pərakəndə ticarət şəbəkəsində istehlakçılar tərəfindən təkcə ərzaq məhsullarına 12,969 mlrd. manat vəsait xərclənib.
"APA-Economics"in Dövlət Statistika Komitəsinin məlumatları əsasında apardığı hesablamalarına görə, bu göstərici 2020-ci ilin eyni dövrü ilə müqayisədə 2,6% çoxdur.
Təkcə avqust ayında əhali ərzaq məhsullarına 1,793 mlrd. manat xərcləyib ki, bu da iyul ayı ilə müqayisədə 0,5% çoxdur.
Qeyd edək ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 49%-ini ərzaq məhsullarının alınmasına sərf olunub.