Azərbaycan iqtisadiyyatına bu il 9 mlrd. manatdan çox investisiya yatırılıb

Azərbaycan iqtisadiyyatına bu il 9 mlrd. manatdan çox investisiya yatırılıb
# 15 oktyabr 2021 10:26 (UTC +04:00)

Bu ilin yanvar-sentyabr aylarında Azərbaycanda əsas kapitala 9 560,2 mln. manat məbləğində, yaxud 2020-ci ilin müvafiq dövrü ilə müqayisədə 8,7% az vəsait yönəldilib.

"APA-Economics"in məlumatına görə, bu barədə Dövlət Statistika Komitəsinin açıqlamasında deyilir.

Qeyd olunur ki, neft-qaz sektoruna yatırılmış investisiyaların həcmi 9,7%, qeyri neft-qaz sektoruna yönəldilən vəsaitin həcmi 8% azalıb. İstifadə olunmuş vəsaitin 6 407,2 mln. manatı və ya 67%-i məhsul istehsalı sahələrinə, 2 425,8 mln. manatı (25,4%-i) xidmət sahələrinə, 727,2 mln. manatı (7,6%-i) isə yaşayış evlərinin tikintisinə sərf olunub. Əsas kapitala yönəldilmiş vəsaitlərin 6 303,6 milyon manatını və ya 65,9%-ni daxili vəsaitlər təşkil edib. Əsas kapitala yönəldilmiş vəsaitlərin 6 388,8 mln. manatı və ya 66,8%-i bilavasitə tikinti-quraşdırma işlərinin yerinə yetirilməsinə sərf olunub.

Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 56,9%, büdcə vəsaitləri 22,3%, sair vəsaitlər 7,4%, əhalinin şəxsi vəsaitləri 7,1%, bank kreditləri isə 6,3% təşkil edib.

#
#

ƏMƏLİYYAT İCRA OLUNUR