Maliyyə

Ana səhifə

Maliyyə

Azərbaycan qlobal innovasiya reytinqində mövqeyini iki pillə yaxşılaşdırıb - TOP-20

20 sentyabr 2021 18:35 (UTC +04:00)

Dünyanın 132 ölkəsinin innovasiya sistemlərinin müqayisəli təhlilinin nəticələrini və onların innovativ inkişaf səviyyəsinə görə reytinqini əhatə edən "Global Innovation Index" (GII) 2021-ci il üzrə yeni hesabatı dərc olunub.

"APA-Economics"in hesabata istinadən verdiyi məlumata görə, 2020-ci ilin hesabatı ilə müqayisədə Azərbaycan 28,4 bəndlə iki pillə irəliləyərək 82-ci yerdən 80-ci yerə yüksəlib.

Azərbaycanın ayrı-ayrı göstəricilərinə gəldikdə, siyasi, tənzimləyici, biznes mühitini özündə birləşdirən institusional göstəricisi 65,5 bəndə bərabərdir və ölkə təkcə bu göstəriciyə görə 58-ci yerdədir. İnsan kapitalı və tədqiqat göstəricisi üzrə Azərbaycan 24,2 bəndlə 89-cu, infrastruktur göstəricisi üzrə 35,1 bəndlə 88-ci, bazarın inkişaf səviyyəsi üzrə 53,2 bəndlə 36-cı, biznesin inkişaf səviyyəsi üzrə 20,7 bəndlə 92-ci, bilik və texnologiyalarda nəticələri üzrə 10,5 bəndlə 115-ci və yaradıcı nəticələr göstəricisi üzrə 23,5 bəndlə dünyada 67-ci pillədə qərarlaşıb.

Siyahıda 132 ölkə yer alıb. Reytinqin autsayderləri Qvineya (16,7), Yəmən (15,4) və Anqola (15,0) olub.

"Global Innovation Index 2021":

#	Ölkə	Göstərici, bənd
1	İsveçrə	65,5
2	İsveç	63,1
3	ABŞ	61,3
4	Böyük Britaniya	59,8
5	Cənubi Koreya	59,3
6	Niderland	58,6
7	Finlandiya	58,4
8	Sinqapur	57,8
9	Danimarka	57,3
10	Almaniya	57,3
11	Fransa	55
12	Çin	54,8
13	Yaponiya	54,5
14	Honkonq	53,7
15	İsrail	53,4
16	Kanada	53,1
17	İslandiya	51,8
18	Avstriya	50,9
19	İrlandiya	50,7
20	Norveç	50,4