Bu ilin yanvar-oktyabr aylarında Azərbaycanın pərakəndə ticarət şəbəkəsində istehlakçılar tərəfindən təkcə ərzaq məhsullarına 16,866 mlrd. manat xərclənib.
"APA-Economics"in Dövlət Statistika Komitəsinin məlumatları əsasında apardığı hesablamalarına görə, bu göstərici 2020-ci ilin eyni dövrü ilə müqayisədə 2,5% artıb.
Təkcə oktyabr ayında əhali ərzaq məhsullarına 2,006 mlrd. manat xərcləyib ki, bu da sentyabr ayı ilə müqayisədə 6,1% çoxdur.
Qeyd edək ki, oktyabr ayında əhalinin ərzaq məhsullarına xərcləri bu ilin ən yüksək aylıq göstəricisi kimi qeydə alınıb və bu il ilk dəfə 2 mlrd. manatı keçib. Ötən il sözügedən aylıq göstərici 2 mlrd. manat həddini dekabr ayında keçmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
