Bu ilin yanvar-sentyabr aylarında Azərbaycanda fəaliyyət göstərən sığorta şirkətlərinin xətti ilə 655,620 mln. manat məbləğində sığorta haqqı toplanılıb.
"APA-Economics"in Azərbaycan Mərkəzi Bankına istinadən verdiyi məlumata görə, bu, ötən ilin analoji dövrü ilə müqayisədə 12,7% çoxdur.
Hesabat dövründə şirkətlər tərəfindən ödənilən sığorta haqlarının həcmi isə illik ifadədə 21,4% artaraq 373,491 mln. manat təşkil edib.