Bu ilin III rübündə Böyük Britaniyanın BP neft-qaz şirkətinin səhmdarlara aid olan xalis zərəri keçən ilin eyni dövründəki 450 mln. ABŞ dollarına qarşı 2,544 mlrd. dollar təşkil edib. Göründüyü kimi, şirkətin xalis zərəri 5,6 dəfə artıb.
"APA-Economics"in məlumatına görə, bu barədə şirkətin hesabatında deyilir.
Qeyd olunur ki, cari ilin yanvar-sentyabr aylarında BP bir il əvvəlki 21,66 mlrd. dollar zərərə qarşı 5,24 mlrd. dollar xalis mənfəət əldə edib.
III rübdə BP-nin gəliri 37% artaraq 36,17 mlrd. dollar təşkil edib. Hesabat dövründə sərbəst pul axını bir il əvvəlki 5,2 mlrd. dollara qarşı 5,98 mlrd. dollar təşkil edib, əsaslı xərclər isə 20% azalaraq 2,9 mlrd. dollar olub.
İyul-sentyabr aylarında BP qrupunda gündəlik hasilat illik ifadədə 7,7% azalaraq 3,269 mln. barel neft ekvivalentinə düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
