2021-ci ilin yanvar-iyul aylarında Azərbaycan əhalisi 1,007 mlrd. nağd ABŞ dolları alıb. Bu göstərici 2020-ci ilin eyni dövrü ilə müqayisədə 2,5 dəfə azdır.
"APA-Economics"in Azərbaycan Mərkəzi Bankının dərc etdiyi göstəricilər əsasında apardığı hesablamalarına görə, iyul ayında əhali 94,189 mln. nağd dollar alıb, bu da iyun ayı ilə müqayisədə 22,8% çoxdur.
Bundan başqa, cari ilin yanvar-iyul aylarında ölkə əhalisinin banklara satdığı nağd dollar kütləsinin ümumi həcmi 807,912 mln. dollar təşkil edib, bu da illik ifadədə 23,2% çoxdur. Təkcə iyul ayında banklar əhalidən 119,105 mln. nağd dollar alıb, bu da aylıq müqayisədə 7,3% çoxdur.
Beləliklə, 2021-ci ilin yanvar-iyul aylarında nağd dollar alışı satışı 21,95% üstələyib.