Beynəlxalq Valyuta Fondu (BVF) 2021-ci ildə Azərbaycanın icmal büdcəsinin kəsirinin ÜDM-in 1,8%-nə qədər azalacağını gözləyir.
"APA-Economics"in məlumatına görə, bu barədə Beynəlxalq Valyuta Fondunun (BVF) Orta Şərq və Mərkəzi Asiya regionu üzrə dərc etdiyi "Regional Economic Outlook" hesabatının oktyabr buraxılışında deyilir.
2022-ci ildə isə defisitin profisitə dəyişərək ÜDM-in 0,7%-inə bərabər olacağı proqnozlaşdırılır.
Qeyd edək ki, aprel proqnozunda fond 2021-ci il üçün ÜDM-in 5,2% səviyyəsində, 2022-ci il üçün isə ÜDM-in 2,3% səviyyəsində defisit vəd edirdi.
Xatırladaq ki, cari ilin ilk altı ayında icmal büdcəsinin profisiti 2,577 mlrd. manata və ya ÜDM-in 6,4%-nə bərabər olub. 2020-ci ilin yekunlarına görə isə, icmal büdcəsinin kəsiri 4,698 mlrd. manat və ya ÜDM-in 6,5%-inə bərabər olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
