2022-ci ildə Azərbaycanın dövlət büdcəsinin gəlirləri 26,407 mlrd. manat həcmində olacağı proqnozlaşdırılır. Bu məbləğin 52,4%-i (13,840 mlrd. manat) neft sektorundan, 47,6%-i (12,567 mlrd. manat) isə qeyri-neft sektorunda formalaşacağı gözlənilir.
"APA-Economics"in Maliyyə Nazirliyinə istinadən verdiyi məlumata görə, neft gəlirlərinin əsasını Azərbaycan Respublikasının Dövlət Neft Fondunun (ARDNF) büdcəyə transfertləri təşkil edəcək (85,7% və ya 11,860 mlrd. manat). Qalan hissə isə İqtisadiyyat Nazirliyi yanında Dövlət Vergi Xidmətinin xətti ilə neft sektoru üzrə daxilolmaların payına düşəcək (14,3% və ya 1,980 mlrd. manat).
Maliyyə Nazirliyinin proqnozlarına görə, dövlət büdcəsinin gəlirlərinin strukturunda neft sektoru liderliyini 2024-cü ilədək saxlayacaq və nəhayət 2024-cü ildə qeyri-neft gəlirləri büdcənin gəlirlərində üstünlük təşkil edərək 51%-ə çatacaq.
Qeyd edilir ki, Neft Fondunun büdcəyə transfertləri tədricən azaldılacaq və qeyri-neft sektorundan əldə ediləcək gəlirlər hesabına əvəzlənəcək. Sözügedən siyasət Fondun aktivlərinin uzunmüddətli dövrdə dayanıqlığını təmin etmək məqsədilə tətbiq olunacaq.
|
Göstəricilər |
2022 |
2023 |
2024 |
2025 |
|
Neft gəlirləri, mlrd. AZN və büdcə gəlirlərində payı |
13,840 |
13,510 |
13,152 |
12,791 |
|
47,6% |
49,1% |
51% |
52,8% |
|
|
ARDNF-nin transferləri |
11,860 |
11,520 |
11,180 |
10,840 |
|
Dövlət Vergi Xidmətinin xətti ilə daxiolmalar |
1,980 |
1,990 |
1,972 |
1,951 |
|
Qeyri-neft gəlirləri, mlrd. AZN və büdcə gəlirlərində payı |
12,567 |
13,029 |
13,673 |
14,336 |
|
52,4% |
50,9% |
49% |
47,2% |
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
