"Kapital Bank" növbəti dəfə "Milli KSM" mükafatına layiq görülüb

"Kapital Bank" növbəti dəfə "Milli KSM" mükafatına layiq görülüb
# 10 noyabr 2021 13:20 (UTC +04:00)

“Kapital Bank” Azərbaycanda üçüncü dəfədir keçirilən “Milli KSM” layihəsi çərçivəsində daha bir mükafata layiq görülüb.

Bankdan “APA-Economics”ə verilən məlumata görə, bu dəfə Qarabağ müharibəsinin bitməsinə həsr olunan, “Kapital Bank”ın dəstəyi ilə çəkilən “Qayıdış” qısametrajlı sənədli filmi qaliblər sırasında oldu.

Real əhvalatlar əsasında çəkilən filmdə Birinci Qarabağ müharibəsi zamanı öz doğma yurdlarından köçmək məcburiyyətində qalan azərbaycanlıların sözlə ifadə edilməsi çətin, ancaq yaşayarkən qürur duyulan hisslərindən danışılır. Artıq məcburi köçkün sayılmayan həmvətənlərimiz doğma yurdları ilə bağlı xatirələrini bölüşərkən, hər birinin gözlərində kədər, üzüntü, itki, intizar, sevinc, fərəh, qürur hissini sezmək olur. Filmin ideya və ssenari müəllifi Ersel Serdarlı, quruluşçu rejissoru isə Can Özbaturdur.

Qeyd edək ki, müsabiqəyə təqdim olunan bütün layihələr BMT-nin Baş Assambleyası tərəfindən qəbul edilmiş 17 məqsəd əsas götürülərək komissiya tərəfindən qiymətləndirilib. Komissiyaya Azərbaycanın bir sıra dövlər qurumu daxildir.

#
#

ƏMƏLİYYAT İCRA OLUNUR