Lirə manat və dollara qarşı bir qədər möhkəmlənib - QRAFİK

Lirə manat və dollara qarşı bir qədər möhkəmlənib - QRAFİK
# 25 noyabr 2021 12:22 (UTC +04:00)

Noyabrın 25-də Türkiyə lirəsinin Azərbaycan manatına qarşı rəsmi məzənnəsi 6,5% artaraq 0,1421 manata yüksəlib və dünənki tarixi minumuma nisbətdə mövqeyini bir qədər möhkəmlədib.

"APA-Economics"in Azərbaycan Mərkəzi Bankının göstəriciləri əsasında apardığı hesablamalarına görə, lirənin manata qarşı məzənnəsi son bir ayda 19,8%, ilin əvvəlindən isə 38% azalıb. Hazırda 1 manat 7,037 lirəyə bərabərdir.

Qeyd edək ki, Türkiyə lirə ardıcıl yenilənən rekord minumumlardan sonra ötən gün dollara nisbətdə 7% artaraq Bakı vaxtı ilə 20:10-da 1 dollar/11,6 lirə səviyyəsinə çatıb. Bundan əlavə, lirə dollara qarşı ardıcıl 11 sessiya rekord minumumları yenilədikdən sonra cüzi möhkəmlənib.

Xatırladaq ki, geniş tənqidlərə, monetar siyasətin istiqamətinin dəyişilməsi və uçot dərəcəsənin yüksəkdilməsi istəklərinə baxmayaraq, Türkiyə Prezidenti Rəcəb Tayyib Ərdoğan faiz azalmalarını müdafiə edib və "iqtisadi müstəqillik müharibəsində" qalib gələcəyinə söz verib.

#
#

ƏMƏLİYYAT İCRA OLUNUR