Xaricdə işləyən meksikalılar bu ilin yanvar-sentyabr aylarında ölkələrinə rekord həcmdə – 37,33 mlrd. ABŞ dolları məbləğində pul köçürüblər.
"APA-Economics"in TASS-a istinadən verdiyi məlumata görə, bu, indiyə qədər qeydə alınan ən yüksək göstəricidir, illik müqayisədə pulköçürmələr 24,6% artıb.
Bəzi hesablamalara görə, 10 milyonadək meksikalı ailə sözügedən köçürmələrdən asılıdır və bu ilin sonuna qədər xaricdən Meksikaya pul transfertlərinin həcminin 51,5 mlrd. dolları keçəcəyi gözlənilir. Bu, ölkə iqtisadiyyatına cari ildə qoyulacaq proqnozlaşdırılan birbaşa xarici investisiyalarının həcmindən 78,6% çoxdur.
Qeyd edək ki, Meksikadan olan əmək miqrantlarının əksəriyyəti (təxminən 12 milyon) ABŞ-da işləyir. Onlar əsasən tikinti, xidmət və kənd təsərrüfatı sektorlarında çalışırlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
