Bu ilin yanvar-mart aylarında Qazaxıstandan Azərbaycana 8,1 min tranzaksiya üzrə 3 738,6 mln. Qazaxıstan tengesi (14,954 mln. manat) məbləğində pul köçürmələri həyata keçirilib.
"APA-Economics"in Qazaxıstan Milli Bankının məlumatları əsasında apardığı hesablamalarına görə, bu göstərici ötən ilin eyni dövrü ilə müqayisədə 5,5% artıb. Təkcə mart ayında Qazaxıstandan Azərbaycana 3,1 min tranzaksiya üzrə 1 230 mln tenge (4,92 mln. manat) pul baratları göndərilib ki, bu da fevral ayı ilə müqayisədə 5,4% az, ötən ilin mart ayı ilə müqayisədə isə 31,3% çoxdur.
Qeyd edək ki, 2020-ci ildə Qazaxıstandan Azərbaycana 41 min tranzaksiya üzrə 14 283,4 mln. tenge (57,134 mln. manat) həcmində pul transfert olunub, bu da 2019-cu illə müqayisədə 0,3% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
