“Rabitəbank”da “Asan İmza” əldə etmək mümkündür

“Rabitəbank”da “Asan İmza” əldə etmək mümkündür
# 27 avqust 2021 11:49 (UTC +04:00)

Ölkənin aparıcı banklarından biri “Rabitəbank” öz xidmət sərhədlərini genişləndirərək daha bir yeniliyi təqdim edir.


Bankdan “APA-Economics”ə verilən məlumata görə, istənilən fiziki şəxs bankın Baş ofis, Nəsimi, Nərimanov, Səbail, Mərkəz filiallarından birinə yaxınlaşmaqla artıq “Asan İmza” - gücləndirilmiş mobil elektron imzanı vergi idarələrinə və “ASAN Xidmət” mərkəzlərinə getmədən filialdaca əldə edə biləcəklər.

“Asan İmza” mobil elektron imza vətəndaşlara mobil telefondan gücləndirilmiş rəqəmsal elektron imza kimi istifadə etmək, dövlət və özəl təşkilatların təqdim etdiyi çoxsaylı elektron xidmətlərə giriş izni əldə etmək, həmçinin müxtəlif elektron sənədləri imzalamaq imkanı verir. Azərbaycan Respublikasının qanunvericiliyinə əsasən “Asan İmza” əl imzasına bərabərdir. İlkin mərhələdə yalnız aktiv Bakcell nömrələrinə sahib fiziki şəxslərə xidmət olunacaq. Xidmətdən istifadə artıq aktivdir və faydalanmaq üçün yuxarıda qeyd olunan filiallardan birinə müraciət etmək olar. Qeyd edək ki, yaxın zamanda “Asan İmza”-nı “Rabitəbankın” digər filiallarında da əldə etmək imkanı yaradılacaq.

“Rabitəbank” ASC, Azərbaycanın 16 regionu və Bakı şəhərində 27 xidmət məntəqəsi və 73 ATM-i, “Rabita Mobile” tətbiqi, İnternet Bankçılıq platforması və “RabitaBot” çatbotu, 133 nömrəli Çağrı Mərkəzi ilə müştərilərin xidmətindədir.

#
#

ƏMƏLİYYAT İCRA OLUNUR