Fransa İnkişaf Agentliyi (AFD) Azərbaycanın qeyri-neft sektoruna investisiya qoyuluşunu iki dəfə artırmağa hazırdır.
"APA-Economics"in məlumatına görə, bu barədə Fransanın Azərbaycandakı səfiri Zakari Qros "Twitter" hesabında yazıb.
Səfir qeyd edib ki, AFD aşağı karbonlu energetika, nəqliyyat, su infrastrukturu və "ağıllı" şəhərlər kimi sahələrə investisiyaları iki dəfə artırmaqla təxminən 600 mln. avroya çatdırmağa hazırdır.
Səfir əlavə edib ki, AFD-nin nümayəndə heyəti iyul-avqust aylarında birgə əməkdaşlığı müzakirə etmək üçün Bakıya gələcək.
Xatırladaq ki, ötən il Azərbaycan və Fransa arasında ticarət dövriyyəsinin həcmi 560 mln. ABŞ dollarına yaxın olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
