Türkiyənin cari əməliyyatlar hesabında doqquz aydan sonra profisit yaranıb

Türkiyənin cari əməliyyatlar hesabında doqquz aydan sonra profisit yaranıb
# 11 oktyabr 2021 16:19 (UTC +04:00)

Bu ilin avqusta ayında turizm sektorunun kəskin artan gəlirləri hesabına Türkiyənin tədiyə balansının cari əməliyyatlar hesabında 528 mln. ABŞ dolları həcmində profisit yaranıb.

"APA-Economics"in Türkiyə Mərkəzi Bankına istinadən verdiyi məlumata görə, ölkənin cari əməliyyatlar hesabında buna qədər ardıcıl doqquz ay defisit qeydə alınıb. Sonuncu dəfə cari ilin iyul ayında cari əməliyyatlar hesabının kəsiri 923 mln. dollar təşkil edib.

Qeyd edək ki, ötən ilin avqust ayında isə cari əməliyyatlar hesabının defisiti 4,07 mlrd. dollara bərabər idi.

#
#

ƏMƏLİYYAT İCRA OLUNUR