ABŞ-ın ÜDM-i bu ilin I rübündə illik ifadədə 6,4% artıb. 2020-ci ilin IV rübündə ÜDM-in artım tempi 4,3%-ə bərabər idi.
“APA-Economics”in məlumatına görə, bu barədə ABŞ-ın Ticarət Nazirliyinin açıqlamasında deyilir.
Qeyd olunub ki, koronavirus pandemiyası zamanı qoyulan məhdudiyyətlərin ləğvi, Amerika əhalisinin peyvənd edilməsi və hökumətin dəstək proqramları ABŞ iqtisadiyyatının böyüməsinə müsbət təsir göstərib.
ABŞ ÜDM-nin 2/3 hissəsini təşkil edən istehlak xərcləri 2020-ci ilin dördüncü rübündəki 2,3%-ə qarşı cari ilin I rübündə 10,7% artıb.
Şirkətlərin əsas kapitala yatırımları 10,1%, dövlət xərcləri 6,3% artıb.
İdxal 5,7% artıb, ixrac 1,1% azalıb.
Mütəxəssislər ABŞ-da ÜDM-nin 2021-ci ildə 6-7% artacağını gözləyirlər. Eyni zamanda, böyümə II rübdə 8,2%-dək sürətlənəcək və ilin ikinci yarısında sabitləşəcək.
Xatırladaq ki, cari ilin I rübü üzrə ABŞ-ın ÜDM-i ilə bağlı yenilənmiş məlumatlar mayın 27-də, son məlumatlar isə iyunun 24-də dərc olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
