Asiya İnkişaf Bankı (AİB) COVID-19 pandemiyasının neqativ təsirlərini nəzərə alaraq, Azərbaycanda 2020-ci ildə ÜDM-in azalma tempi 0,1%, inflyasiyanın səviyyəsi isə 2,8% olacağını proqnozlaşdırır.
"APA-Economics"in məlumatına görə, bu barədə AİB-in "Asian Development Outlook" (ADO) adlı yenilənmiş hesabatında deyilir.
Hesabatda qeyd olunub ki, 2021-ci ildə Azərbaycan iqtisadiyyatı 1,2% artacaq, inflyasiyanın səviyyəsi isə 3,5% təşkil edəcək.
Qeyd edək ki, bank Azərbaycanda bu il resessiyanın digər amillərlə yanaşı, əsasən dövlət və özəl investisiyaların azalması səbəbindən olacağını gözləyir. İnflyasiyanın sürətlənməsinin əsas drayveri kimi isə ərzaq məhsullarının tədarükündə yaranan məhdudiyyətlər göstərilir.
Bankın aprel ayında dərc olunmuş hesabatında ölkədə 2020-ci ildə ÜDM-in 0,5% artacağı, inflyasiyanın 2,5% təşkil edəcəyi, 2021-ci ildə isə bu göstəricilərin müvafiq olaraq 1,5% və 3,5% olacağı deyilirdi.
Xatırladaq ki, bu ilin yanvar-may aylarında Azərbaycanda ÜDM istehsalı 1,7% azalıb, illik inflyasiyanın səviyyəsi isə 2,9% olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
