Azərbaycan Respublikası Dövlət Neft Fondu tərəfindən valyuta hərraclarında 2020-ci ilin iyul ayı ərzində 515,5 milyon ABŞ dolları məbləğində vəsait satılıb.
“APA-Economics” bu barədə Dövlət Neft Fonduna istinadən xəbər verir.
Məlumata əsasən, iyulda valyuta satışında iyun ayı ilə müqayisədə 38% artım qeydə alınıb. Belə ki, 2020-ci ilin iyun ayı ərzində ARDNF tərəfindən 373,2 mln. ABŞ dolları məbləğində vəsait satılıb.
Bildirək ki, bu ilin yanvar-iyul aylarında ARDNF tərəfindən 4 525,7 mln. dollar məbləğində vəsait satılıb.