Azərbaycan Respublikası Dövlət Neft Fondu (ARDNF) tərəfindən cari ilin iyun ayında satılan vəsaitin həcmi açıqlanıb.
Fonddan "APA-Economics"ə verilən məlumata görə, 2020-ci ilin iyun ayı ərzində ARDNF tərəfindən 373,2 mln. ABŞ dolları məbləğində vəsait satılıb. Bu, cari ilin may ayı ilə müqayisədə 11,7 %, ötən ilin iyun ayı ilə müqayisədə isə 18,1% çoxdur.
"APA-Economics"in apardığı hesablamalara görə, bu ilin yanvar-iyun aylarında ARDNF tərəfindən 4 010,2 mln. dollar məbləğində vəsait satılıb ki, bu da ötən ilin eyni dövrü ilə müqayisədə 51,7% çoxdur.
Qeyd edək ki, ARDNF tərəfindən 2019-cu ilin yanvar-iyun aylarında 2 643,6 mln. ABŞ dolları məbləğində valyuta satıb.