Birləşmiş Millətlər Təşkilatı (BMT) bu il qlobal ticarət dövriyyəsinin 2019-cu illə müqayisədə 7-9% azalacağını proqnozlaşdırır.
"APA-Economics"in xarici mətbuata istinadən verdiyi məlumata görə, belə bir proqnoz BMT-nin Ticarət və İnkişaf Konfransında (UNCTAD) səslənib.
UNCTAD-ın gözləntisi bu ilin III rübündə ticarətdə qeydə alınan canlanma fonunda açıqlanıb.
Qeyd edək ki, 2020-ci ilin III rübündə qlobal ticarət dövriyyəsi illik müqayisədə 5% azalsa da, bu, cari ilin II rübü ilə müqayisədə nəzərəçarpacaq dərəcədə daha yaxşı dinamikadır. Belə ki, II rübdə illik müqayisədə qlobal ticarət 19% azalmışdı.
IV rüb üçün verilən proqnozlara əsasən, qlobal ticarət illik müqayisədə azalmağa davam edəcək və bu azalma 3%-ə bərabər olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
