Dünya Bankı Gürcüstanda 40 mln. ABŞ dolları dəyərində ola universal internet layihəsinin həyata keçirilməsini maliyyələşdirəcək.
APA-nın Gürcüstan bürosu xəbər verir ki, bunu Gürcüstanın İqtisadiyyat və Davamlı İnkişaf naziri Natia Turnava deyib.
O bildirib ki, layihə çərçivəsində yarım milyondan çox vətəndaşın internetə çıxışı təmin ediləcək: "Bu, universal internet layihəsidir. Layihə çərçivəsində 1 000 yaşayış məntəqəsinə yüksək keyfiyyətli internet xətləri çəkiləcək ki, nəticədə yarım milyondan çox vətəndaşın yüksək sürətli internetə çıxışı təmin olunacaq".