Ermənistan Azərbaycanın sığorta bazarına 1 mlrd. manata yaxın zərər vurub

Ermənistan Azərbaycanın sığorta bazarına 1 mlrd. manata yaxın zərər vurub
# 12 noyabr 2020 10:43 (UTC +04:00)

Azərbaycan Sığortaçılar Assosiasiyasının (ASA) analitik araşdırma qrupu təcavüzkar Ermənistanın bu günə qədər işğalı altında olmuş əzəli Azərbaycan ərazilərinin sığorta potensialını araşdırıb.

ASA-dan “APA-Economics”ə verilən məlumata görə, 30 ilə yaxın bir müddətdə erməni işğalı altında olmuş Azərbaycan əraziləri hər bir iqtisadi sahədə olduğu kimi sığorta sektoru üçün də böyük potensiala malikdir. Qeyd olunan müddət ərzində Azərbaycan ərazilərinin 20%-nin işğalda olması sektora əhəmiyyətli dərəcədə itki qazandırıb.

Belə ki, bu günə qədər işğal altında saxlanmış şəhər və kəndlərimizdə 1993-cü il, yəni işğal olunduğu tarixə qədər mövcud olan və erməni vandalları tərəfindən tam yararsız hala salınmış yaşayış və qeyri-yaşayış obyektlərinin cəminə görə Azərbaycan sığorta bazarı sadəcə “Daşınmaz əmlakın icbari sığortası” növü üzrə 1 ilə 4,985 mln. manat, işğal altında olan 30 ilə isə 149,5 mln. manat yığım təmin edə bilərdi.

Bu, sadəcə “Daşınmaz əmlakın icbari sığortası” növü üzrə ölkə iqtisadiyyatının sığorta bazarından təmin edə biləcəyi və düşmən işğalı səbəbilə itirdiyi maddi vəsaitdir. Bu qəbildən yüklərin sığortası, vətəndaşların fərdi sığortası, eyni zamanda elektrik, qaz, su kommunikasiya xətlərinin sığortası, kənd təsərrüfatı sığortası, avtomobillərin sığortası, irriqasiya sistemlərinin sığortası və s. nüansları da nəzərə alsaq görərik ki, 30 illik erməni işğalının Azərbaycanın sığorta bazarına vurduğu zərər ümumi həcmdə 1 mlrd. manata yaxındır.

#
#

ƏMƏLİYYAT İCRA OLUNUR