Gürcüstanın paytaxtı Tbilisidə COVID-19 pandemiyası ilə əlaqədar olaraq fövqəladə vəziyyət rejimi elan edilməsindən sonra mənzil satışları 37,6% azalıb.
APA-nın yerli bürosu xəbər verir ki, bu barədə "Galt&Taggart" bank xidmətləri və investisiya idarəetməsi şirkətinin hesabatında qeyd olunub.
Bildirilir ki, cari ilin yanvar və fevral ayları ərzində Gürcüstan paytaxtında mənzil satışları illik müqayisədə müvafiq olaraq 0,9% və 7,7% artıb, lakin mart ayında 7,7%-lik azalma qeydə alınıb. Martın ikinci yarısında, fövqəladə vəziyyət rejiminin elan edilməsindən sonra isə mənzil satışları 37,6% azalıb. Qeyd olunub ki, Tbilisidə bütün satışların 50%-i dörd şəhərətrafı rayonun – Qldani, Samqori, İsani, Didi Diqominin payına düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
