Bu gündən Gürcüstanda yeni növ koronavirus (COVID-19) əleyhinə Çin istehsalı “Sinopharm” vaksinini tətbiqinə başlanılır.
APA-nın yerli bürosu xəbər verir ki, vaksinasiya prosesini bütün ölkə üzrə 91 məntəqədə 137 qrup tərəfindən həyata keçiriləcək.
Çin vaksinindən 18-60 yaş aralığından olan vətəndaşların peyvəndlənməsində istifadə olunacaq. Son göstəriciyə əsasən “Sinopharm” vaksininin vurulması üçün ölkədə 17,613 nəfər qeydiyyatdan keçib.
Qeyd edək ki, Gürcüstan aprelin 3-də Çindən 100 min doza "Sinopharm", aprelin 29-da isə 100 min doza “Sinovac” vaksini əldə edib. Qonşu ölkədə bu vaxta qədər yeni növ koronavirus əleyhinə yalnız “AstraZeneca” və “Pfizer” vaksinləri tətbiq edilib.
Ölkə rəhbərliyi daha əvvəl Çin vaksinlərinin yalnız Dünya Səhiyyə Təşkilatının təsdiqləməsindən sonra istifadəsini planlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
