Rusiyanın Federal Təhlükəsizlik Xidməti ölkənin müxtəlif regionlarında kütləvi qırğınlar planlaşdıran 13 nəfəri tutub.
FTX Rusiyanın müxtəlif regionlarında kütləvi qırğınlar planlaşdıran 13 nəfəri tutub
04 sentyabr 2020 12:42 (UTC +04:00)
APA-nın RİA Novosti-yə istinadən verdiyi xəbərə görə, bu barədə Federal Təhlükəszilik Xidməti məlumat yayıb.
Bildirilib ki, bu şəxslər Rusiyanın müxtəlif regionlarındakı təhsil müəssisələrində, hüquq-mühafizə strukturlarının binalarında və insanların çox toplaşdığı ictimai yerlərdə kütləvi cinayət planlaşdırıblar: "Bir sıra bölgələrdə əldəqayırma partlayıcı qurğulardan, yandırıcı qarışıqlardan, soyuq silahlardan istifadə edərək qırğınlar törətməyi planlaşdıran, həmçinin internet istifadəçilərini bu cür cinayətlər törətməyə təşviq edən 13 Rusiya vətəndaşı saxlanılıb. Onlardan 11-i sosial şəbəkələrdən birində qapalı onlayn qrupun üzvüdür".
Saxlanılan şəxslərin cinayət planlarını onların gündəliklərindən və istifadə etdikləri elektron cihazlardan əldə olunan məlumatlar təsdiqləyir. Qeydlərdə alovlandırıcı və partlayıcı qurğuların hazırlanması üçün təlimatlar, təhsil müəssisələrinə, hüquq-mühafizə orqanlarının binalarına və insanların sıx olduğu yerlərə hücum sxemləri tapılıb.
Saxlanılan şəxslərin evlərində 4 əldəqayırma partlayıcı qurğu və onları düzəltmək üçün lazım olan komponentlər, habelə ov silahları və soyuq silahlar aşkar olunub.
FTX bu şəxslərin cinayət törətmə motivləri və onları yaşı barədə məlumat verməyib.
MDB
Qriqori Karasin Simonyanın bəyanatları ilə bağlı Ermənistan parlamentinə məktub göndərib
22:11
24 aprel 2024
Devid Kemeron qazaxıstanlı həmkarı ilə görüşüb
17:24
24 aprel 2024
Lukaşenko: Bəzi ölkələr Belarusu müharibəyə sürükləmək istəyir
16:46
24 aprel 2024
Kreml Şoyqunun müavininin dövlətə xəyanətdə ittiham olunmasına münasibət bildirib
13:52
24 aprel 2024