“12 dövlət başçısı Qələbə Paradında iştirakını təsdiqləyib”.
APA-nın Moskva müxbirinin verdiyi məlumata görə, bunu Rusiya Xarici İşlər naziri Sergey Lavrov bu gün Rusiya Prezidenti Vladimir Putinin rəhbərliyi ilə keçirilən Təhlükəsizlik Şurasının iclasında deyib.
O, 9 may tarixində keçirilməsi planlaşdırılan parada dəvətnamələrin qüvvədə qalması ilə bağlı dəvət olunanları məlumatlandırdıqlarını qeyd edib: “Artıq 12 dövlət başçısından paradda iştirak edəcəkləri ilə bağlı təsdiq almışıq. Onların əksəriyyəti MDB-yə üzv dövlətlərin başçılarıdır”.