Levon Ter-Petrosyanın partiyası növbədənkənar parlament seçkilərinə qatılacaq

#
# 13:33
10 aprel 2021

Ermənistanın birinci prezidenti Levon Ter-Petrosyanın rəhbərlik etdiyi Erməni Milli Konqresi (EMK) növbədənkənar parlament seçkilərində iştirak edəcək.

APA-nın “Sputnik Armenia”ya istinadən verdiyi məlumata görə, EMK-nin yaydığı bəyanatda mayın 1-də partiyanın qurultayının çağırıldığı bildirilib.

“Erməni Milli Konqresinin qurultayında növbədənkənar parlament seçkilərində iştirak edib-etməməklə bağlı yekun qərar veriləcək. Əgər fors-major hal baş verməsə, Ter-Petrosyanın partiyası seçkilərdə böyük ehtimalla ayrı iştirak edəcək”, - deyə bəyanatda vurğulanıb.

Qeyd edək ki, martın 18-də Baş nazir Nikol Paşinyan iyunun 20-də Ermənistanda növbədənkənar parlament seçkilərinin keçiriləcəyini açıqlayıb. Parlamentdə seçki məcəlləsinə düzəliş layihəsi artıq təsdiq edilib. Layihəyə görə, parlament seçkiləri ancaq proporsional seçki sistemi əsasında keçiriləcək.

#
#

ƏMƏLİYYAT İCRA OLUNUR