Moskvanın şimalında Vuçetiç küçəsində yerləşən 50 nömrəli şəhər klinik xəstəxanasının altımərtəbəli korpusunun birinci mərtəbəsində yanğın hadisəsi baş verib.
APA RİA Novosti-yə istinadən xəbər verir ki, bu barədə Rusiya Fövqəladə Hallar Nazirliyi məlumat yayıb.
Bildirilib ki, təxminən 20 kvadratmetr ərazidə baş verən yanğın zamanı 1 nəfər həlak olub.
Təhlükəsizlik məqsədilə 200 nəfərdən çox insan yanan binadan təxliyə edilib.
Tibb müəssisəsindəki xəstələr arasında koronavirusa yoluxanların da olduğu bildirilib.