Rusiyanın Amur vilayətində ölümlə nəticələnən yol qəzası baş verib.
APA-nın TASS-a istinadən verdiyi xəbərə görə, Amur vilayətindəki Beloqorsk-Blaqoveşensk avtomobil yolunun 32-ci kilometrliyində "Toyota Prado" və "Toyota Carina" markalı avtomobillər toqquşub.
Qəza nəticəsində 5 nəfər ölüb, 2 nəfər xəsarət alıb.
İlkin məlumata görə, hadisədə həyatını itirən 5 nəfər Beloqorsk, xəsarət alanlar isə Blaqoveşensk sakinləridir.
Yaralılar xəstəxanaya yerləşdirilib, onların vəziyyətinin ağır olduğu bildirilib.