Ermənistanda kriminal qruplaşmanın üzvü olan keçmiş deputat öldürülüb.
APA-nın "news.am"a istinadən xəbərinə görə, kriminal avtoritet olan keçmiş deputatın evindəki növbəti yığıncaq silahlı insidentlə bitib.
Hadisə zamanı “Kanakertsi Tuy” cinayətkar qruplaşmasının üzvü olan eks-deputat Artuş Simonyan öldürülüb. Ümumilikdə isə qanlı mübahisənin 4 qurbanı olub, daha 4 nəfər isə yaralanıb. Onların arasında A. Simonyanın oğlu da var.
Hadisə yerində 4 giliz, 4 tapança və güllə ilə dolu iki avtomat tapılıb.
Faktı Ermənistan Prokurorluğu araşdırır.