MDB ölkələri məlumat mübadiləsi və birlik ölkələrinin orduları arasında qarşılıqlı fəaliyyətin əlaqələndirilməsi üçün silahlı qüvvələrin birgə rabitə sistemini yaradıblar.
APA-nın Moskva müxbirinin verdiyi məlumata görə, bu barədə Rusiyanın hüquq-informasiya portalında dərc olunan sazişin mətnində qeyd olunub.
Sənədə əsasən, qeyri-müəyyən müddətə bağlanan saziş Rusiya üçün 2021-ci il noyabrın 28-də qüvvəyə minib.
Lakin o, MDB-yə üzv olan istənilən dövlətin qoşulması üçün açıq qalır. Rusiya Federasiyasından başqa, bu günə kimi sazişə Ermənistan, Belarus, Qazaxıstan, Qırğızıstan və Tacikistan qoşulub.